"يعني ما هزّك حنينك ولا صحّاك الوله؟
يعني ما اشتاقت لي عينك في زحام الاسئلة؟"
VS
"ما راودك في الحلم طيف؟
ولا نبهك شوقي العنيف؟"
الاشياء اللي ابغى -لازم- اسويها بعد اختباري:
أشوف فيلم إيراني
ارجع أشوف الجزء الأول من مسلسل true detective
ارجع اكمل تعليم فن الخط
ارجع اكمل كورساتي
وطبعاً ارجع اشترك بالجيم
^ومن هنا نلاحظ إن ماعندي مهارة الاستمرارية لأني أخاف من الفشل فأسوّف كثير عموماً لو ما سويت عالاقل 3 منهم بضربني وبجيب ناس تضربني
"أرهقهُ السير في المستحيل"
- عبارة تختصر حياة كاملة
"ربيع قلبي غيّرته السوافي" 😔
أظن إني لازم ارجع اتعلم أقول لا من أول وجديد
"زاهداً في ما سيأتي، ناسياً ما قد مضى"
في بعض الأحيان تلازمك فكرة تعرف في قرارة نفسك إنها سخيفة وإنك أكبر من الاستطراد في تفاصيلها بس مهما تحاول ما تقدر الفكاك تظل ترزح تحت وطأتها لين تستنزفك
في أيام مثل هذي مالك إلا تدفن نفسك في اي شغل يستهلك كل طاقتك لكن حتى هذا ما قدرت عليه!
أعزو بلادتي وتبلد مشاعري وإرهاق روحي لقلة قراءتي من توقفت عن القراءة اليومية والتركيز بكل جوارحي في اللي أقراه صرت كأني خرقة بالية الله يعين بس
شاركت مع أحدهم أغنية لأفضل من يخلق من البكاء مادة جماليه أنيقة، وتصير تستعذبه عادي، يعني تحس إنك حزين صح بس حزين شيك كذا 
بطلع مع صديقاتي طلعتنا الروتينية المعتادة بس قررت المرة هذي احط ميكب واعتبره الأول من غرة شهر شوال ومن العايدين جميعاً ❤️
P.S:
١- نمت يوم العيد وما عيدت
٢- صار لي شهر ما شفت وحدة منهم
"مثل ظلٍ تتلاشى أهميته مع إقتراب ظلمة الغروب، يسمح للظلام أن يتغذى عليه حتى صُبح الغد، هكذا أنا منذ ولدت.
تقل أهميتي مع مرور الوقت. لا أوجد إلّا حيث يوجد غيري، لا أكون منفرداً أبداً، إن مالوا مُلت وكلما سطعوا آمنت بوجودي أكثر.
ألاحق الأشياء مُحاولاً أن أكون هم، ليس لي شكلي الفريد، لقد خُلقت ناقصاً حتى وأنا أُشبه جميع الكاملين"
#سيرة_ذاتية_مقترحة
بالرغم من سعادتي العارمة ببداية أمطار الصيف إلا إن طاريه يطفي كل بهجة في داخلي والله ما يشفع له إلا المطر ولا بهذي البقعة اقسم بالله كابوسي
اتمنى تكون طريقي الجديد استقر فيه واوقف اهبد عشوائيات بكل مكان 
هذي مو مجرد أغنية!
ما اذكر عند أي منعطف توقفت رغبتي في العيش، كل اللي أعرفه إني زاهدة بالدنيا كلها