Signingin / Sign of the Cross / Signum Crucis
+ Í nafni Föðurins og Sonarins og hins Heilaga Anda.
Amen.
Postuleg Trúarjátning / The Apostles' Creed / Credo
Ég trúi á Guð Föður almáttugan, skapara himins og jarðar.
Og á Jesúm Krist, hans einkason,
Drottin vorn; sem getinn er af Heilögum Anda,
fæddur af Maríu mey;
leið undir valdi Pontíusar Pílatusar,
var krossfestur, dáinn og grafinn,
sté niður til heljar, reis á þriðja degi aftur upp frá dauðum,
sté upp til himna,
situr við hægri hönd Guðs Föður almáttugs
og mun þaðan koma að dæma lifendur og dauða.
Ég trúi á Heilagan Anda,
heilaga Kaþólska kirkju,
samfélag heilagra,
fyrirgefningu syndanna,
upprisu holdsins
og eilíft líf.
Amen.
Faðir vor / Our Father / Pater Noster
Faðir vor, þú sem ert á himnum.
Helgist þitt nafn;
komi þitt ríki;
verði þinn vilji, svo á jörðu sem á himni.
Gef oss í dag vort daglegt brauð;
og fyrirgef oss vorar skuldir,
svo sem vér og fyrirgefum vorum skuldunautum;
og eigi leið þú oss í freistni,
heldur frelsa oss frá illu. Amen.
Maríubæn / Heil sért þú María / Hail Mary / Ave Maria
Heil sért þú María,
full náðar.
Drottinn er með þér;
blessuð ert þú meðal kvenna;
og blessaður er ávöxtur lífs þíns, Jesús.
Heilaga María, Guðsmóðir,
bið þú fyrir oss syndugum mönnum,
nú og á dauðastundu vorri.
Amen.