ຄົນທີ່ຈະຖື Bitcoin ແລ້ວໄດ້ຜົນກຳໄລ ຈະຕ້ອງເປັນ ທີ່ມີ low time preference, ຄົນທີ່ເຫັນແກ່ຜົນປະໂຫຍດໄລຍະສັ້ນ ຫລື ຫວັງແຕ່ຈະລວຍໄວ ກໍຈະຖືກປັດຕົກໄປ ເຫລືອໄວ້ແຕ່ຄົນທີ່ເບິ່ງການໄກ ຮູ້ຈັກອົດສົ້ມໄວ້ກິນຫວານ ຝຶກຝົນທັກສະເພື່ອແລກກັບເງິນ ແລະ ແບ່ງມາອົດອອມ. ເພາະໂຕ Bitcoin ເອງມັນອອກດອກ ອອກຜົນບໍ່ໄດ້ ແຕ່ມັນເປັນຄືກັບພາສະນະ ໄວ້ ເກັບແຮງ ແລະ ເວລາຂອງເຮົາ ທີ່ໃຊ້ແລກມັນມາ ເພື່ອຈະເອົາມາໃຊ້ໃນອະນາຄົດເມື່ອຈຳເປັນ ແຕ່ພາສະນະຊະນິດນີ້ບໍ່ໄດ້ຫົ້ວໄຫລ ມັນຈະ appreciate ຕົວມັນເອງເມື່ອເວລາຜ່ານໄປ ເພາະມັນຜະລິດຍາກ ແລະ ຈຳກັດ ເມື່ອທຽບກັບສິ່ງອື່ນໆ.