شفت هالتويته وتذكرت مره بغيت انتحر .. ايام المراهقة امي وابوي عصبو علي عشان حريم خواني و كنت مظلومة بالسالفة حيل و محد كان يسمع مني لاني اندفاعيه و اهما من نوع اللي يردون علي لما ما يكون في احد و من اقول لهم كانو يقولون لي جذي محد يصدقني فما بالكم ثنتين اكبر مني ب ٨ سنين كانو يتوحدون فيني 🤣 ماعلينا كان هذا ثالث موقف وجزعت و حاشني عجز كل شي ممنوع جان اخذ علبه البندول نايت كلها بعد ما رديت من المدرسة و كان خميس ويمعه وسبت و قعدت الاحد الفير ساعه ٤ المضحك المبكي ان محد يا وسال هذه عايشه ولا ميته مع ان البيت يضج من كثر الناس اللي فيه و من هني يا اصدقائي اوكي كله عبالي اني بالتويتر 😂 فهمت ان مالي الا نفسي والله ردني حق الحياه عشان اعيشها و اغث اللي غثوني بنجاحي واستقلالي عنهم و فعلا حصل اللهم لك الحمد.