我不想見到既情況，終於近排開始出現。
因為我地既問題，影響到小朋友係我最心痛，雖然大家都知道無可避免。
今日係佢既生日，尋晚佢唔喺度瞓，於是我一打二，三人眠，我絕對唔介意同佢哋瞓，因為我覺得好溫馨，試想像隨著他們長大，這些日子只會不斷縮短，所以我好珍惜。
最不願見到既畫面出現在今早我起床上班時，哥哥👦🏻被我的鬧鐘吵醒。
👦🏻「daddy, 你去邊吖」
👨🏻「daddy去返工囉」
之後👦🏻就開始哭了
👦🏻「咁媽咪喺邊度吖？」
👨🏻「媽咪都返緊工」
之後哭得更利害
👦🏻「我唔要你地兩個都返工」
之後同媽媽通電話，情況亦無改善
最後我只有向公司告假，需要晏一點才可當值
不經不覺安排律師處理離婚文件，已經兩星期，早前曾查詢🔍還要多久，回覆是今星期。
自從他們兩兄弟出世至今，印象中從沒有像這樣從他們身邊離開這麼久，從來監控中看見他們百感交集。
今天不知道是否受昨晚酒精影響，心情很差，對他們十分掛念。但再想下去就覺得他們很可憐，覺得自己很對不起他們。我們的問題，卻要他們和我們一起承受當中的痛苦，大人的賬要小孩子付。
以為藉着開始新感情可以放下撫平舊傷疤，原來這是自欺欺人的想法。今天更令我想起2009年5月7日，故事就是從這天開始，日子真的十分愉快，跟她約會就是笑笑笑，我更常在網上放閃，我當年待她很好，誰想到今天我們在辦理離婚手續。為何我要重提舊事？可能因為傷口還在淌血🩸吧。
擔心將來的同時，更擔心兩兄弟身心發展，成件事真的很不安
事情已經到了這地步，雖然我很掛念她，經常懷緬跟她一起的日子，由相遇、相識、相愛到共同計劃將來，由結婚、生小孩、到為生活拼搏，轉眼已差不多十四年。
行到這一步是我千萬個不願，我接受不了失婚，接受不了孩子沒有爸爸/媽媽，接受不了她不愛我。
但不得不承認我做丈夫真的不合格，沒有關心她，甚至漠視她為這個家的付出，嫌她蠢嫌她不懂教小孩。其實她不愛我也是自己做成，怪不了誰
既然已成事實，只好將最美好的東西牢牢記住。
一生的路很長，而這條荊棘滿途的路亦只可獨個走，走出這個困境，走出個彩虹🌈
當你發脾氣講盡一些難聽說話時，其實你都只係將事實講出！你口口聲聲說我無中生有，我更為妳的所作所為，而厚顏無恥地盡說大話感到心寒。一個人因為掩飾自己的錯，大話一個接一個，自私地將責任推卸，更甚者係多次不承認及掩飾問題及企圖隱瞞，對於曾經身為丈夫的我，真係覺得你好恐怖，借問一聲你如何教導小朋友真正既價值觀
噚晚有咗次良好既對話，了解到佢既改變。其實呢個改變真係一件好事，有目標想進步諗唔到當中既壞處。
不過最大問題係佢已經坦誠表示已經唔再愛我，所以亦都解釋到點解佢做事會唔理我感受，而傾談間佢亦都表示放我出海，究竟我應唔應該接受新一段關係呢？
但呢一刻我都係有一個強烈既感覺，佢係有另一個！只不過佢唔承認我亦無證據，究竟係我多疑心，還是感覺最真。
呢段時間真係好辛苦，成日都有呼吸困難既感覺，我幾時無呢個感覺？或者真係要等到我肯放棄呢個關係。
其實…唔係夫妻又有無可能共同建立家庭？
前日飲醉咗，返到屋企都唔記得有無沖涼🚿就瞓咗。
第二日又比人鬧，內容都係同之前咁上下。但其中既重點係佢表明已經唔再愛我，正常愛一個人見佢飲醉會照顧會幫忙，但佢已經無咁做，甚至佢講到後悔…。
呢一刻好辛苦，好似連呼吸都有困難。
記住！語言暴力可以比肢體暴力更可怕