"وأعرف هذا السواد تحت عيني، أعرفه

إنه حقلٌ محروق

وسأبكي ما حييت منتظراً عودة عُشبي وشجرة البِشام"

- صالح زمانان

صحيت ورطانة بنفسي ومطرت وبعتبرها مواساة إلهية ❤️

طولت بمرحلة "صبورٌ ولو لم تبقى مني بقيَّةٌ" وللحين ماقدرت أوصل للشطر الثاني مع اني اتوقع لو صار راح يغير حياتي بشكل جذري

*ما كملت البيت عشان لو أحد جاه فضول يروح يقرأ القصيدة من باب إثراء اللغة والأدب وهذي مساهمتي المجتمعية والله الموفق*

منين أعطيك أشواقي إذا قلبي طواه اليأس؟!

انحلت كل مشاكلي ✨

حتى بدون الفلسفة، النكد صفة أصيلة في البني آدم

في كبد*

هواجيس قبل النوم مشكلة

لاحظت مع كل تبدل وتغير بحياتي وكل مراحل عمري فيه حزن شفيف ملازمني سواء كنت باقصى سعادتي أو راحتي أو نقيضيهما وفوراً تذكرت بيت من قصيدة مغمورة لسعيد السريحي يقول: "حزن مخلوق من أجلك معاك يعيش ويوم تموت، يقف شاهد على قبرك"

ويمكن بس لأن الإنسان نكدي بطبعه ومخلوق من كبد بس يحب يفلسف الاشياء يعنني عميق ومحنك

الصيف حتى وداعه يقرف عيشتك مطلع لي كل حشرات الأرض كل يوم نوع جديد ومعاناة مختلفة

اطالب بإلغاء الصيف وكل اللي يحبونه معاه

مو عارفة من وين ابدأ اتعامل مع حياتي بعد هذا الاسبوع حاسة اني كنت في ركض متواصل ويومين صرت زومبي ونسيت كيف كنت عايشة قبل!

وجه دكتورتي لما سألتني عن آخر زيارة شديت فيها التقويم وكانت قبل شهرين جسد كل معاني الخيبة واليأس بدون ما تتكلم

والله يادكتورة افهمك واشاركك نفس الشعور حتى أنا يائسة مني

درجة الحرارة 44 واختي مطفية المكيف ومتدفية

هذي نوعية الاشخاص اللي اعيش معهم 💀

والله إن التجهيز للسفر أثقل على قلبي من حوسة الرجعة بعده

ما أحب اتورط فما اعرف وش اخذ وش اخلي

خلاص كنسل مابغى اسافر

هو ودي انه الخميس والليل من فرحه عريس بس للاسف يعني ما طلعت راسي إلا في الجمعة 😑

في حال ما قلت من قبل بس أنا ما أحب يوم الجمعة ومدري لو هذا الشي له علاقة بإنه اليوم اللي ولدت فيه

يعني ايش أكره الصيف ويوم الجمعة وصدف إن اثنينهم يوافقون يوم ميلادي فعلياً أنا جيت عالدنيا الساعة 12 AM يوم الجمعة 1 July 💀!!!

لو مو هذي سريالية الحياة انا ما افهم

ألف سلامة عليك خطاك السوء تمر وماتضر إن شاءالله ❤️

"إِنَّهُ كَانَ بِي حَفِيًّا"

النتيجة من كل هذا: أنا وأخواني كلنا عزفنا عن الزواج الحمدلله ✨

الأشياء اللي سواها ولد خالي -3 سنوات- خلال يوم ونص:

1- رمى كل شي يخطر عالبال من الدور الثاني والثالث سواء أكل، مواعين، أوراق، أكواب، ألعاب، كراتين، زمزمية قهوة، وآخر شي المبخر

2- رماني بعلب الموية، بالألعاب، وأحجار الدومينو

3- كب علي القهوة

4- استعملني ككراس حط بوجهي ستيكرز ولون جسمي بعد الجدران والأرضية

5- زعل وبكى لأن ما تركته يطلع عيني بالقلم

بس لا شدعوة لسى اقدر اتنفس ترا

بستسلم وبعلنها خلاص: أنا احتاج إنقاذ فعلي