مدري لو هذي حالة عامة بسبب العصر اللي إحنا فيه ولا هو شعور شخصي بس في إحساس إن هذا اللي أنا فيه مو كفاية وما عندي فكرة محددة عن الشيء اللي ممكن يتخمني ويخليني أحس إن بس خلاص هذا هو وأغني مع أبو عبده "وكأن هذه الدنيا ملكُ يميننا"
أو يمكن مو موجود أصلاً!
الدكتور ركب لي مطاط متصل ومغاط دبل💀
انا في ليڤل من ألم التقويم عمري ما تخيلت إنه موجود اصلاً
لما كنت واقفة أصور الغيوم والضباب مر من جنبي رجل كبير في العمر شايل مقاضيه وطالع من السوق شافني وراح حطها بالسيارة ورجع وقف جنبي يصور
الجمال يحتاج لفت نظر بس
بمناسبة عام الأبل:
هاااييييدددووو that’s our camels lovely camels ❤️ 
رجعت من مكة ومسكت خط سفر ثاني بنفس اليوم وتوي ارتاح بعد التعب واشوف الصور
اللهم لك الحمد من قبل ومن بعد ❤️ 
٣٦ ساعة سهر متواصل غفيت فيها ساعة وحدة بس
لكن أنا راضية وسعيدة يارب لك الحمد لا أحصي ثناءً عليك ❤️
تأملات طريق السفر 2:
إنطلاقاً من: "أنّى تعودُ إلى المعنى بكارتُه لنشهدَ الرعشةَ الأولى من الشبقِ"
دايم أحاول أستعيد دهشتي للاشياء بنزع اعتيادي عليها ومن ضمنها هي إن فجأة بنص الصحراء اليباب تتبدى واحة بدون مقدمات مساحات لانهائية من اللون الاخضر وكأنها جنة الله المنشودة وبعدها ترجع الرمال تفرض سيطرتها العنيدة ويستمر التضاد وتستمر الدهشة
تأملات طريق السفر:
مرينا بمحافظة صغيرة غارقة بنص الصحراء اسمها (الشوق)
"الطريق اللي يوّدي للحجاز ما يعبّد بالزفلت إلّا يعبّد بالحنين" والقلب اللي كان آخر عهده فيه قبل سنتين يشهد على هذا
جاء بكرة اللي صار له أكثر من خمس شهور ورحت الجيم اليوم
بعتبره إنجاز السنة لأن مصارعة النفس ألعن من مصارعة الاوادم
اليوم صدق صحيت عازمة النية على روحة الجيم وبدأت أجهز بس صار شي خارج إرادتي وتكنسلت يعني حتى الظروف تعطيني إشارات وتقول لي بلاها
"يالله، مُر هذه العواصف التي تُسّمي نفسها الأيام أن تصرف رياحها عن هذه القشة التي أُسميها -قلبي-"
كنت أظن إن توقفي عن القراءة والبحث عن متابعة الاشياء اللي شغوفة فيها وتطوير نفسي مهنياً علامات لإرهاق نفسي بسيط وفترة وتمر وماعليه بس صارت حتى الطلعات ثقيلة وفيه شعور مو حلو ملازمني بعد كل طلعة المفروض أكون سعيدة فيها
الله يعين المرة هذي دحدرت عميقاً في الاكتئاب الظاهر
شفت تويت عن وفاة شخص رجعتني سنتين تقريباً ورا، الله يرحمه ويغفر لنا أجمعين
بطلع الالعاب مع صديقاتي لأن الحياة ما إنتهت لما تقفلت بوجهي كل أبوابها
اليوم سمعت معلومة مو متأكدة من صحتها بس خلتني كذا 🤯
تقول: إن كلمة "زول" اللي يستخدمونها اخواننا السودانيين جاية من الزوال يعني أنت مجرد زول زائل عن الدنيا